Intervista: Ninu Borg fuq Djaletti ma' Sergio Grech 2000 [Campus FM]

Intervista ma' Ninu Borg taż-Żejżu.

Programm: Djaletti (l-ewwel programm minn sbatax - Introduzzjoni)

Stazzjon: Campus 103.7 F.M.

Produzzjoni u preżentazzjoni: Sergio Grech

Ottubru 1999—Jannar 2000.

Djaletti hija sensiela ta' programmi dwar id-djaletti differenti fil-gżejjer Maltin. Sergio Grech jitkellem ma’ lingwisti, awturi u nies li ma jiddejqux jużaw jew jitkellmu bid-djalett.

Ninu Borg twieled Birkirkara fl-1 ta' Ġunju 1946, bin Karmnu magħruf bħala ż-Żejżu u Vendra née Debono. Huwa tewmi u l-iżgħar fost erbatax-il wild. Ninu attenda l-Kulleġġ Monte Karmeli sa Form 3 u wara ħa kors il-Government Industrial Training Center fejn tgħallem is-sengħa ta' mekkanik. Ħadem fuq il-magni tal-ħjata għal tnejn u għoxrin sena. L-ewwel poeżija li kiteb kienet fl-1993 u l-ewwel premju kien it-tielet post f'konkors fl-istess sena tal-Għaqda Letterarja. Jikteb drammi u kummiedji għall-palk. Ninu għandu għal qalbu l-istudju dwar l-ilsien Malti u l-kultura popolari Maltija.

Ħajr: Sergio Grech u Celaine Buhagiar Bugeja

Ritratt: Profil facebook ta' Ninu Borg.

Nisel tal-awdjo: CD minn Campus FM (analog) > Exact Audio Copy > WAV ikkonfermata diġitalment integra u mhux minn sors MPEG.